ჭარხლის ფხალი ნიგვზით

დაგვჭირდება: 

1 კგ ჭარხლის ფოთოლი

250 გრ გატარებული ნიგოზი

2-3 კბილი დანაყული ნიორი

1 პატარა კონა ქინძი

1/2 ჩკ უცხო სუნელი

1/2 ჩკ ხმელი ქინძი

1/4 ჩ/კ დაღერღილი წიწაკა

1/2 ჩ/კ მარილი

2 ს/კ წითელი ღვინის ძმარი

საშუალო ზომის ქვაბით ავადუღოთ წყალი. სანამ წყალი დუღდება, ჭარხლის ფოთლები კარგად გავრეცხოთ, მოვაჭრათ უხეში ბოლოები და მერე მოვთუთქოთ მდუღარე წყალში. მოთუთქული ფოთლები კარგად გადავწუროთ, გავაგრილოთ და ცოცხალ ქინძთან ერთად გავატაროთ ხორცსაკეპ მანქანაში ან წვრილად დავკეპოთ. 

დაკეპილ ოთლებს მოვაყაროთ ნიორი, უცხო სუნელი, ხმელი ქინძი, დაღერღილი წიწაკა, მარილი და მოვასხათ ძმარი. კარგად გადავურიოთ. გავსინჯოთ და საჭიროების შემთვევაში საკუთარი გემოვნებით დავუმატოთ წიწაკა, მარილი ან ძმარი.

სუფრაზე გატანის წინ ჭარხლის ფხალს მივცეთ სასურველი ფორმა და მოვრთოთ ბროწეულის მარცვლებით.